Florian Kamberi mund të transferohet në Angli. Sulmuesi i kombëtares shqiptare është në pronësi të skocezëve të Hibernian, teksa në janar u huazua te Rangers. 25-vjeçari ka shënuar vetëm një gol në nëntë ndeshjet e zhvilluara me skuadrën e Steven Gerrard.
Vështirë që ” The Teddy Bears” të paguajnë për kartonin e tij, por largimi i Alfredo Morelos mund të ndikojë që lojtari shqiptar të vazhdojë karrierën te “gjiganti” skocez. Gjithsesi, Daily Record raporton se për Kamberin ka interesim nga Championship.
Hull City e pëlqen shumë sulmuesin dhe ka bërë ofertën e parë në drejtim të tij. Hibernian është gati ta shesë dhe kërkon 150 mijë paund, aq sa paguan në korrikun e vitit 2018 për ta marrë nga zviceranët e Grasshoppers. /abcnews.al
