Inter ka shanse reale për të fituar titullin e Serie A kundër Milanit më 22 prill, madje edhe një barazim do të mjaftojë për zikaltërit nëse kuqezinjtë nuk arrijnë të mposhtin Sassuolon në xhiron e ardhshme.
Fitorja e Interit ndaj Udinese të hënën mbrëma i mbajti ata në krye të tabelës së Serie A me 14 pikë epërsi ndaj rivalëve të qytetit.
Dy skuadrat e Milanos do të takohen në Derbi della Madonnina pas dy javësh dhe, siç janë gjërat, zikaltërit do të fitojnë titullin e 20-të në historinë e klubit nëse mposhtin Milanin.
Siç shpjegohet nga “Calciomercato”, Interit do t’i mjaftojë edhe një barazim, por vetëm nëse Milan barazon ose humbet kundër Sassuolo javën e ardhshme dhe zikaltërit fitojnë ndaj Cagliari.
Në këtë rast, zikaltërit do ta rrisnin epërsinë e tyre me 16 ose 17 pikë, kështu që një pikë në derbi do t’u dhuronte titullin skuadrës së drejtuar nga Simone Inzaghi./h.ll/abcnews.al
