Qeveria duket e pakoordinuar sa i përket numrit të objekteve të dëmtuara dhe dëmit financiar të shkaktuar nga tërmeti i 26 nëntorit të vitit të shkuar.
Kjo të paktën për institucionet arsimore.
Mëngjesin e të mërkurës gjatë prezantimit të raportit nga Komiteti Ndërministror i Emergjencave Civile u fol për 321 institucione arsimore dhe 72.35 milion euro dëm financiar.
Ndërsa në mesditë gjatë raportimit në komisionin parlamentar për Edukimin dhe Mjetet e Informimit Publik ministrja e Arsimit Sportit dhe Rinisë, Besa Shahini bëri një tjetër panoramë.
“307 objekte te emtuara ne total. Vlera totale e rikonsturit 83 mln euro rikonstruks dhe 12 mln euro të tjera”
Kryetarja e Komisionit Parlamentar për Edukimin dhe Mjetet e Informimit Publik kërkoi të tjera detaje.
“Sa çështje keni dërguar në prokurori? Në shkollat e dëmtuara a janë marrë kampionet e ndërtimit. Sa janë rikonstruktuar para tërmetit dhe demi në to?”
Për përgjigjen e këtyre pyetjeve ministrja Shahini i sugjeroi një seancë dëgjimore me përfaqësues të pushtetit vendor
“Për gjithë këtë dokumentacion që nuk e keni kërkuar është mirë të ftoni bashkitë e institucionet për ta marrë informacionin”.
Megjithëkëtë socialistët në komision kërkuan dhe ndërhyrjen e saj.
“Listoni gjithë firmat që kanë qenë të angazhuar nga pushteti vendor për të bërë rregullime meremetime apo shkolla të reja dhe ju ka rezultuar që nuk i kanë bërë cilësore dhe ata kurrë mos të qasen më të marrin lekët e taksapaguesve”.
Ndërkohë rreth 21 mijë nxënës dhe 1300 mësues sipas ministres së Arsimit do të vijojnë të mësojnë në shkolla të tjera derisa shkollat e tyre të përfundojnë se rikonstruktuari./abcnews.al
