Shtimi i numri të turistëve i ka kthyer nxënësit e shkollave profesionale në punonjësit më të kërkuar të kësaj industrie në vend.
“Nxënësit tanë për hir të së vërtetës duhet ta themi sa mbarojnë praktikën gjashtë muajit e parë të shkollës, pothuajse të gjitha bizneset ku ata bëjnë praktikën i punësohen sepse është kërkesa shumë e lartë për punonjës. Është një kërkesë shumë e lartë qe reflekton edhe në rritjen e pagave në bizneset e turizmit.”, tha drejtoresha e shkollës “Antoni Athanas, Rudina Liçaj.
Në Sarandë shkolla e mesme profesionale “Antoni Athanas” I përgatit të rinjtë në dy profile ku kërkesa për punonjës është e lartë, hoteleri – turizëm dhe ekonomi.
“Janë dy degë shumë të rëndësishme sepse zhvillimi i madh i turizmit vitet e fundit ka sjell nevojën për profesionist në bizneset qe janë në shërbim të turizmit,”, u shpreh Liçaj.
Drejtimi professional iu jep siguri nxënësve për punësim të shpejtë dhe pagesë të kënaqshme.
“E mira e kësaj shkolle është sepse unë shkoj në një punë i kualifikuar, me më shumë njohuri dhe sigurisht në një moshë të vogël paguhem si i kualifikuar.”, u shpreh me tej Liçaj.
Shkollat profesionale po plotësojnë nevojat e bizneseve në Sarandë për punonjës të kualifikuar në sektorin e shërbimeve.
/abcnews.al
