Kryeministri Edi Rama e quajti Bashkinë e Vlorës bashkëabuzuese sa i takon situatës së mbetjeve në këtë qytet, duke sulmuar sërish kryebashkiakun Dritan Leli.
Rama deklaroi se Vlora është modeli më i shëmtuar për abuzimin me mjedisin duke i shtuar këtu atë që ai e quajti indiferenca lapidare e bashkisë.
“Vlora në vend që të ishte model. Siç ka qenë model për transformimin dhe pikat e tërheqjes së më shumë turistëve, është paralelisht modeli më i shëmtuar për abuzimin me mjedisin dhe indiferencën lapidare të bashkisë, që është bashkëabuzuese.
Ky është një pyll që kryetari i bashkisë mund ta bëjë me makinë për tre minuta nga hyrja deri në dalje. Këtu nuk ka nevojë as për ushtri. Këtu mjafton kryetari i bashkisë dhe 5 veta të tjerë me një qese në dorë çdo ditë duke u thënë qytetarëve mos na ktheni më këtu, pylli i Sodës do merrte pamje tjetër. Por kjo është temë tjetër”, tha Rama. m.v/Abcnews.al
