Ndërkohë që vijon operacioni për evakuimin e dhjetra mijëra afganëve që kanë bashkëpunuar me vendet perëndimore teksa Afganistani bie nën regjimin e talebanëve, një avion amerikan është duke patrulluar në qiejtë e Kabulit prej disa orësh.
Avioni vëzhgues Boeing RC-135 është duke patrulluar në qiejtë e Kabulit përmes një itinerari të rregullt duke patur fokusin pikërisht tek aeroportin dhe trafiku i atyshëm.
Deri më tani, nga Kabuli janë ngritur dhjetra avionë, shumica amerikanë, të cilët janë mbushur me afganë, por edhe të huaj që duan të largohen nga vendi prej frikës së talebanëve.
Boeing RC-135 është një avion i vjetër në moshë, por që ka shoqëruar trupat amerikane kudo që ato kanë qenë prezente në konflikte të ndryshme duke filluar që prej fillimit të viteve ’70. Përmes radarëve të avancuar dhe mjeteve të tjera, ai kontrollon nnjë hapësirë të madhe ajrore, por edhe të aktivitetit në tokë duke siguruar siguri për trupat e përfshira në operacion. /abcnews.al
