I tensionuar u shfaq 51-vjeçari Arben Veliko, i arrestuari në lidhje me atentatin e sajuar në “Urën e Mifolit” në Vlorë, gjatë seancës së sotme ku ndaj tij u dha masa e sigurisë.
Ndërkohë që po filmohej nga një operator në sallën e gjyqit, ai i ka kërkuar atij të largohej duke e ofenduar. Madje në një moment tërheq me dorë pranë vetes objektin identifikues që ndodhet në tavolinën e të akuzuarve.
“Ik ore andej, legen”, iu drejtua 51-vjeçari kameramanit. Por menjëherë ndërhynë policia dhe zyrtarët në gjykatë, të cilët qetësuan 51-vjeçarin.
Gjykata e Vlorës la në burg këtë të enjte dy shokët, 24-vjeçarin Romario Aliraj dhe Arben Velikon. Ata dyshohet se kanë sajuar atentatin me kallashnikov ndaj Alirajt tek “Ura e Mifolit”.
Ngjarja ndodhi më 12 Maj dhe makina që drejtohej nga 24-vjeçari, u qëllua me armë zjarri. Ekspertët gjetën në vendin e ngjarjes gjetën të paktën 19 gëzhoja. Të arrestuarit akuzohen për kallëzim të rremë, veprime që pengojnë zbulimin e së vërtetës dhe armëmbajtje pa leje./abcnews.al
