Britania e Madhe ende është në pikun e pandemisë, ku çdo ditë regjistrohen me qindra të vdekur. Ende asgjë nuk dihet se cili do të jetë fati i Premier League, ku Federata e Futbollit po shikon çdo mundësi për ta mbyllur sezonin.
Sipas opinionistit sportiv, Gary Neville, opsioni më i mirë është për t’i zhvilluar takimet e mbetura në një vend ku risku nga Coronavirusi është i ulët.
“Nëse Premier League po mendon seriozisht për t’i lujtuar ndeshjet në një vend të sigurt, mendoj se duhet të zgjidhen dy-tre vende që janë të pastra nga Coronavirusi. Duhet të karantinohen lojtarët, stafet dhe mediat për të paktën dy javë në një vend që e ka provuar se po e përballon me sukses virusin”, deklaron ish-mbrojtësi i Manchester United.
”Janë disa vende në Europë që nuk kanë të njëjtën situatë si ne dhe aty mund të mbyllet me sukses Premier League. Këtu është e pamundur, se në rast rifillimi rreziku është aty dhe mund të kemi një situatë shqetësuese më pas.
Jam i sigurt se Federata mund ta përballojë një zhvendosje në një nga këto vende”, mbyll Neville. Deri në datën 30 prill, vende si Korea e Veriut, Turkemenistani apo dhe Lesotho nuk kanë asnjë rast me Covid-19. /abcnews.al
