Mauro Icardi u kthye me gol dhe me fitore tek Interi, por polemikat me trajnerin Spalelti dhe me tifozët vazhdojnë. Gazetat vlerësuan ish-kapitenin.
Më në fund, cirku mbaroi dhe filloi futbolli. Mauro Icardi hyri në arenën e tij, një fushë futbolli, duke shënuar një gol, e duke fituar një ndeshje.
Në stol ishte Luçiano Spalleti, që e kishte turpëruar me fjalët e tij pak ditë më parë, ndërsa në skuadër ishte Ivan Perisiç, i cilësuar si armiku kryesor brenda skuadrës së Interit. Gjithsesi, trajneri vazhdoi të ishte polemik.
“Ishte një ndeshje e shkëlqyer, – u shpreh ai, – të cilën ne e luajtëm me mendje të kthjellët, duke shënuar atëherë kur duhej. E dinim se Icardi ishte shumë i rëndësishëm për ne, dhe u paraqit mirë, por unë pres më shumë nga ai. Dua të them se prisja një të bëhej një hap. Atë hap e bëra unë i pari, nuk e bënë të tjerët”!
Polemikë edhe tifozët ultras, të cilët nuk festuan rrjetën e ish-kapitenit. Ndeshja nuk ishte aspak e lehtë, por u fitua 4-0 në fushën e Genoas, duke treguar jo vetëm rëndësinë e Icardit për zikaltërit, por edhe se çfarë potenciali kanë milanezët nëse lenë mënjanë përçarjet!
Icardi madje, arriti deri aty, saqë dha asistin për golin e Perisiçit, ndonëse kjo nuk duhet të habisë aspak në kushte normale. Dy golat e tjerë i shënoi Gagliardini.
Për Icardin, ky ishte goli i parë në Serinë A pas 109 ditësh, dhe i 123-ti për ngjyrat zikaltër.
“La Gazetta dello Sport”: Më mirë Icardi, se kurrë! Interi me Mauriton fiton 4-0 në Gjenovë. Gol pas 53 ditësh dhe asist për Perisiçin, Spalleti merr frymë më i qetë!
“Tutosport”: Icardi kthehet dhe shënon! Ky është Interi i vërtetë!
Përveç golit dhe asistit, mediat italiane vlerësuan se sulmuesi argjentinas ishte më i miri lojtar në fushë, ndërsa u përgëzua me dashuri në rrjetet sociale nga gruaja dhe agjentja e tij, Uanda Nara.
Fitorja bëri që Interi të ngjitet në 56 pikë, 4 pikë mbi Milanin e vendit të katërt, dhe 8 pikë larg vendit të pestë që të nxjerr nga zona Champions./abcnews.al
