Trajneri i Bolognas, Sinisa Mihajlovic, prezantoi drejtpërdrejt në “gazzetta.it” autobiografinë e tij, “Ndeshja e jetës”. Për këtë event ai kishte ftuar edhe disa emra të njohur të futbollit italian dhe jo vetëm si Zlatan Ibrahimovic, Francesco Totti apo dhe Roberto Mancini.
Një nga çështjet që u diskutua më shumë ishte pikërisht forma e sulmuesit të Milanit, i cili po mahnit Serie A me paraqitjet e tij. “Mbrojtësit e Serie A duken si unë me djalin tim 5-vjeçar kur luajnë kundër Zlatanit. Ata kanë frikë se mos ai i shikon.
Para ndeshjes Milan-Bologna unë u kërkova mbrojtësve të mi të mos kishin frikë, por ai ishte i pandalshëm dhe shënoi dy gola”, deklaron serbi. Për sulmuesin e Milanit foli dhe Francesco Totti, i cili nuk i kurseu elozhet për 39-vjeçarin.
“Zlatan mund të luajë deri në moshën 50-vjeçare dhe madje vetëm me një këmbë. Do kisha dashur të luaja me të e të shënoja edhe unë si Nocerino. Jam i lumtur që e shikoj duke luajtur në një nivel kaq të lartë.
Ibra është i fortë fizikisht, teknikisht mirë dhe është bukur ta shikosh duke luajtur. Lojtarëve të mëdhenj u pëlqen të vëzhgojnë dhe kanë disa lëvizje që nuk i shikon te lojtarët e tjerë. Jam krenar që ti e shkel ende fushën”, ishin fjalët e legjendës së Romës drejtpërdrejt për Ibrahimovic. /abcnews.al
