Deklaratë e fortë ajo e Bernie Ecclestone, ish-presidentit të Formula 1. Lewis Hamilton mund të largohet nga garat, pas zhgënjimit të madh në sezonin e fundit.
Piloti britanik ishte shumë pranë titullit kampion, por në xhiron e fundit të garës së Abu Dhabi e humbi vendin e parë dhe Max Verstappen u kurorëzua kampion për të parën herë.
Ecclestone ka folur për Blick në Zvicër dhe mes të tjerash është shprehur: “Zhgënjimi i tij është shumë i madh. Unë nuk mendoj se ai do të rikthehet të garojë më në Formula 1. Para disa ditësh fola me babanë e tij.
Ai më tha menjëherë se nuk do t’u përgjigjej pyetjeve për të ardhmen e djalit të tij. Kështu folëm vetëm për biznes”. / abcnews.al
