Barcelona ishte në kërkim të një qendërsulmuesi përpara se pandemia të shpërhtnete e të fuste klubin në krizë. Lautaro ishte i zgjedhuri dhe katalanasit morën hapa konkrete për ta blerë te Interi.
Në fund u vendos të qëndronte te zikaltërit dhe një arsye më shumë pse ndodhi kështu ishte Hernan Crespo. Ish-sulmuesi i Interit tregon se e telefonoi Lautaron dhe i kërkoi të qëndronte te Interi.
“Unë e njoh Lautaron për një kohë të gjatë, këtë verë e këshillova që të mos pranonte ofertat e Barcelonës dhe të mos largohej nga Interi dhe në fund të fundit kisha të drejtë.
Në zonë, ai është vdekjeprurës: lëvizjet e tij drejtohen gjithmonë drejt gjuajtjes, pra ndaj golit. Dhe me kokë është i fortë, ka mundësi dhe përballet me mbrojtës më të gjatë se ai”, tha Crespo. /abcnews.al
