Kryetari i qytetit të bombarduar më intensivisht në Ukrainë ka dënuar forcat ruse. Në një postim në Facebook, Vadym Boychenko tha se qyteti është tani një “Aushvici i ri”.
“Racistët e kthyen të gjithë qytetin tonë në një kamp vdekjeje. Fatkeqësisht, analogjia e frikshme po fiton gjithnjë e më shumë konfirmim. Nuk është më Çeçeni apo Aleppo. Ky është Aushvici dhe Maidanek i ri”, u shpreh ai.
Boychenko tha se vlerësimet e kujdesshme një javë më parë sugjeruan se 5,000 njerëz ishin vrarë në qytetin port jugor, por duke pasur parasysh madhësinë e Mariupolit dhe nivelin e shkatërrimit, mund të jenë “dhjetëra mijëra” civilë që do të vdesin.
Qyteti ishte shtëpia e rreth 400,000 njerëzve, por disa u larguan përpara pushtimit rus. Boychenko akuzoi gjithashtu Rusinë se operon krematoriume të lëvizshëm në qytet për të shkatërruar provat e vrasjeve civile.
“Kjo është arsyeja pse Rusia nuk po nxiton t’i japë dritën jeshile misionit turk dhe iniciativave të tjera për të shpëtuar dhe evakuuar plotësisht Mariupolin,” tha ai.
Kryebashkiaku pretendoi se njerëzit e lidhur me Rusinë po mblidhnin dhe digjnin trupat e banorëve të Mariupolit. /abcnews.al
