Një vajzë 20-vjeçare ka treguar tmerrin e përjetuar kur një shqiptar 28 vjeç tentoi ta përdhunonte, jo shumë kohë pasi ishte liruar nga burgu, ku vuante dënimin për krime të ngjashme.
Fytyra e vajzës 20-vjeçare është shpërfytyruar nga goditjet e shqiptarit.
“Në atë kohë kuptova që një burrë po më ndiqte, për dy, tre minuta më rrinte përballë në një distancë prej 2-3 metrash, më shikonte me shumë vëmendje. Nuk e di si ktheva kokën dhe ai erdhi pas meje dhe më mbuloi gojën dhe hundën dhe ne filluam të përlesheshim dhe më pas ai më hodhi në dysheme. Unë bërtisja dhe bërtisja”, tregoi 20-vjeçarja.
Ishte ora 1 e mëngjesit në Nice, pak metra larg shtëpisë së saj, nën një tendë pallati, ndërkohë që binte shi. Vajza nuk pushoi së bërtituri, duke shpresuar se dikush do ta dëgjonte.
“Kur e kuptoi se nuk do të ndaloja së rezistuari, filloi të më rrihte shumë keq. Ai kishte duart e tij mbi kokën time dhe po më godiste me grushte … filloi të përpiqej të më kthente në dysheme. Ai më kishte kapur kokën nga flokët dhe po më rrihte në dysheme”, thotë ajo tronditëse.
“Pas disa hapash ndalova pasi do më binte të fikët dhe kërkova ndihmë nga disa fqinjë. Më ka goditur më së shumti në kokë, njëri sy është mbyllur, gjithë koka më është fryrë. Veshi, syri, vetulla, faqja ime te gjithe kane ndërruar pozicion. Nuk mundem të dal nga shtëpia, as të flas, nuk mund të ha, nuk qaj dot. Unë vijova të bërtisja derisa doli një fqinj doli dhe tha “çfarë po bën aty”, tregoi e reja.
Fatmirësisht pasi fqinji e shpëtoi nga duart, pak metra më poshtë, ndërsa policia arrestoi shqiptarin. Oficerët i kërkuan 20-vjeçares të shkonte në departament për ta identifikuar dhe ai pretendoi se ishte i dehur.
Oficerët e policisë së Departamentit të Sigurisë së Nicës-Agios Ioannis Rentis kanë marrë përsipër të hetojnë veprimet e 28-vjeçarit shqiptar, për të përcaktuar nëse ai mund të jetë pas sulmeve të tjera seksuale në zonën e gjerë të Pireut.
Në mënyrë të veçantë, ata shqyrtuan nëse ai mund të qëndronte pas dy sulmeve seksuale të raportuara nga dy gra në dhjetë ditët e fundit në Kaminia. Burimet policore bëjnë me dije se këtyre dy femrave iu kërkua identifikimi i 28-vjeçarit, por nuk doli asgjë. Viktimat nuk e njohën, prandaj dosja ndaj tij ka të bëjë ekskluzivisht me sulmin ndaj 20-vjeçares. Megjithatë, duhet theksuar se vajzat kanë raportuar se kur janë sulmuar kanë filluar të vrapojnë nga frika, kështu që nuk janë në gjendje të përgjigjen me siguri absolute. /abcnews.al
