Në përfundim të këtij sezoni do të jenë të shumtë lojtarët që dalin të lirë. Njëri prej tyre është edhe mesfushori i PSG-së, Julian Draxler, i cili me shumë mundësi nuk do të luajë më për kampionët e Francës vitin që vjen.
Kontrata e gjermanit përfundon pikërisht në 30 qershor dhe deri më tani nuk ka patur asnjë sinjal rinovimi nga të dyja palët. Sipas raportimit të “Calciomercato”, është klubi i Juventusit që e pëlqen lojtarin dhe po e monitoron me kujdes situatën e tij.
Draxler është në listën e Andrea Pirlo dhe duke qenë se kostot e transferimit të tij janë zero, atëherë bardhezinjtë do të tentojnë me çdo kusht këtë transferim.
27-vjeçari numëron 17 ndeshje deri në këtë fazë të sezonit në të gjithë kompeticonet, ku ka shënuar 3 gola dhe ka asistuar 3 herë për shokët e skuadrës. /abcnews.al
