Barcelona humbi dje 2-1 ndaj Cadiz, por kjo nuk ishte e vetmja pasojë. Mësohet se Ousmane Dembele ka pësuar një tërheqje muskulore dhe nuk do të jetë i gatshëm për ndeshjen e mesjavës ndaj Juventus në Champions League.
Lajmin e bën të ditur vetë klubi katalanas, pas ekzaminimeve të kryera mëngjesin e sotëm, teksa Dembele mbrëmë u aktivizua vetëm 45 minuta. Lajm i keq për francezin, që po kalonte një periudhë të mirë. Në 12 ndeshje të luajtura këtë sezon ai ka shënuar 4 gola dhe ka dhuruar 2 asiste.
Dëmtimet janë pika e tij e dobët dhe tashmë do duhet të ndalet sërish. Ai ishte kthyer në fillim të këtij sezoni, pas një mungese prej më shumë se gjashtë muajsh.
❗ MEDICAL COMMUNIQUE | Dembélé
Tests carried out have shown that the French player has an elongation in the hamstrings of the right thigh? All the details:https://t.co/skzzAnYPZI pic.twitter.com/M6wnQRkydf
— FC Barcelona (@FCBarcelona) December 6, 2020
Ndërkohë, Barcelona vuan shumë dëmtimet në këtë periudhë. Në sulm është dëmtuar edhe talenti Ansu Fati, teksa Pique e Roberto janë gjithashtu në infermieri. /abcnews.al
