TIRANË- Policia e Tiranës arrestoi një të dënuar në mungesë nga Gjykata e Posaçme me 7 vjet burg për veprat penale grup të strukturuar kriminal si dhe prodhim e shitje lëndësh narkotike.
I arrestuari është 48-vjeçari Orges Jahelezi, i njohur ndryshe si Artan Elezi, me pseudonimin “Nita”, nga Tirana.
Emri i tij nuk është i panjohur. Orges Jahelezi njihet si anëtar i grupit të Shijakut, i cili u arrestua gjatë operacionit “VOLVO 4” pas zbulimit të laboratorit të drogës në Në Brenogë të Hasit.
Grupi kriminal trafikonte kokainën në Gjermani dhe disa vende të Europës.
Grupi i Shijakut drejtohej nga Astrit Avdyli, ndërsa në pranga asokohe u vunë edhe vëllezërit e tij dhe disa anëtarë të bandës.
Gjatë operacionit u godit laboratori i heroinës në fshatin Brenog të Hasit në vitin 2018 dhe si dhe u sekuestruan pajisjet që shërbenin për përpunimin dhe presimin për ta trafikuar më pas në vendet e BE-së.
Një pjesë e lëndës narkotike ishte paketuar gati për trafik. Pas arrestimit, Jahelezi u lirua në vitin 2019 nga ish-Gjykata e Apelit të Krimeve të Rënda.
Në kuadër të operacionit “Volvo4” u arrestuan 27 persona brenda një dite si pjesë e “Bandës së Shijakut” dhe të Lezhës, mes tyre edhe dy ish- deputetët e PS, Arben Ndoka dhe Arben Çuko./abcnews.al
