Kryeministri Edi Rama zbatoi i pari sot rregullin e Ministrisë së Shëndetësisë për vënien e maskave.
Rama iu bëri thirrje deputetëve të mbajnë maskë, ndërsa Rudina Hajdari i dhuroi vetë një të tillë.
Rama tha se e ka një maskë, por gjestin e Hajdarit e mori si flamur paqeje.
“I dashur Halit vije maskën. Hajdari vije maskën. Maskën maskën… maska është tanimë e detyrueshme në ambientet e mbyllura dhe jo e domosdoshme në ambientet e hapura. Përfitoj të sqaroj ata që më kritikojnë kur dal në rrugë dhe jam pa maskë.
Në mjedise të hapura mjafton ruajtja e distancës dhe mos-kontaktimi me shtrëngim duarsh i të tjerëve për të qenë i mbrojtur. Ndërsa në mjediset e mbyllura me vendim zyrtar të MSh, maska është e detyrueshme dhe Kuvendi duhet të japë shembullin e vetë, gjë që zonja Hajdari nuk po e bën vetë, ndoshta për mungesë maske.
(Hajdari ngrihet dhe i jep maskë Ramës). Unë e kam zonja Hajdari, por kur flitet nuk ka nevojë se jemi në distancë. Flamur paqeje ky…”, tha Rama. /abcnews.al
