Lidhja Demokratike e Kosovës nuk arriti rezultatin e dëshiruar në zgjedhjet e 9 shkurtit, duke u renditur forcë e tretë.
Edhe pse me një rritje prej 37 mijë votash nga viti 2021, kryetarit të LDK Lumir Abdixhiku po i kërkohet llogari pas dështimit, pasi ai kishte ngritur pritshmëri të larta për rezultatin.
Sipas analistëve, renditja si parti e tretë kërkon reflektim dhe rilegjitimim para strukturave partiake.
Profesori i shkencave politike, Dritëro Arifi, thotë se rezultati i LDK-së në zgjedhjet e 9 shkurtit lë shumë për të dëshiruar.
Sipas tij Kryesia e LDK-së duhet të reflektojë dhe të analizojë se çka ka shkuar keq në këto zgjedhje.
Analistja politike, Magbule Shkodra se lidershipi i LDK-së duhet të jep llogaridhënie para strukturave partiake në lidhje me rezultatin.
Ndërkohë, kryetari i Lidhjes Demokratike të Kosovës, Lumir Abdixhiku në konferencën e fundit më 9 shkurt, nuk e quajti një dështim rezultatin dhe tha se nuk do të japë dorëheqjen, pasi partia pati rritje nga zgjedhjet e kaluara./abcnews.al
