Rishi Sunak njoftoi dorëheqjen e tij si udhëheqës i konservatorëve pas humbjes së partisë në zgjedhjet britanike të së enjtes në deklaratën e tij përfundimtare si kryeministër, duke i kërkuar falje kombit për humbjen në zgjedhje.
“Së shpejti do të takoj Mbretin për t’i ofruar dorëheqjen time si kryeministër. Dua të them në radhë të parë, më vjen keq. Unë i kam dhënë gjithçka kësaj pune, por ju keni dërguar një sinjal të qartë se qeveria e Mbretërisë së Bashkuar duhet të ndryshojë dhe gjykimi juaj është i vetmi që ka rëndësi.
Kam dëgjuar zemërimin tuaj, zhgënjimin tuaj. Dhe unë marr përgjegjësinë për këtë humbje. Për të gjithë kandidatët dhe aktivistët konservatorë që punuan pa u lodhur, por pa sukses, më vjen keq që nuk arritëm të realizonim atë që merituan përpjekjet tuaja.
Më dhemb të mendoj se sa kolegë të mirë që kontribuan aq shumë për komunitetet e tyre dhe vendin tonë nuk do të ulen më në Dhomën e Komunave.
I falënderoj për punën e tyre të palodhur dhe shërbimin e tyre”, tha ai.
Sunak ka lavdëruar gjithashtu Keir Starmer.
“Ndërsa ai ka qenë kundërshtari im politik, Kier Starmer, së shpejti do të bëhet kryeministri ynë. Në këtë punë, sukseset e tij do të jenë të gjitha sukseset tona dhe i uroj atij dhe familjes së tij suksese.
Cilatdo qofshin mosmarrëveshjet tona në këtë fushatë, Ai është një njeri i denjë, të cilin unë e respektoj. Ai dhe familja e tij meritojnë mirëkuptimin tonë për postin e ri”, përfundoi ai.
Laburistët fituan pas 14 vitesh duke fituar 410 vende në parlament.
/abcnews.al
