Raphael Dwamena humbi jetën në fushë pas një ataku kardiak në ndeshjen mes Egnatias dhe Partizanit më datë 11 nëntor dhe pasi u kryen të gjitha procedurat në Shqipëri, trupi i pajetë i 28-vjeçarit mbërriti në Ganë, vendlindjen e tij.
Këtë të shtunë u mbajt edhe ceremonia mortore ku ish-futbollisti u përcoll për në banesën e fundit, teksa kujtojmë se Dwamena ishte një nga lojtarët e huaj më të spikatur që ka luajtur ndonjëherë në futbollin shqiptar, por problemet në zemër rezultuan fatale për fatet “fantazistin” ganez që humbi jetën në terrenin e gjelbër.
Të premten, në përballjen e vlefshme për raundin e parë të kualifikueseve të Kupës së Botës, që Gana luajti ndaj Madagaskarit, u mbajt edhe një minutë heshtje në nder të ish-“yllit” të futbollit, i cili me kombëtaren ganeze numëron tetë ndeshje dhe dy gola të shënuar. /i.m /abcnews.al
