Eitani i vogël, i vetmi i mbijetuar i tragjedisë së teleferikut në Mottarone tashmë është zgjuar dhe i vetëdijshëm, i shtruar në njësinë e kujdesit intensiv. Pesëvjeçari flet me hallën dhe njerëzit që e rrethojnë.
Lajmi u komunikua nga autoritetet e spitalit ku ai po merr kujdes shëndetësor në Torino, të cilët thonë se nga pikëpamja klinike ai vijon të ndodhet në një prognozë të rezervuar.
Lexo edhe: I shpëtoi tragjedisë në Itali nga përqafimi i të atit, mjekët optimistë për shëndetin e 5-vjeçarit
Kjo për shkak të traumës torakale dhe abdominale dhe frakturave në gjymtyrë.
Së bashku me Eitanin e vogël, përveç hallës Aya, qëndron edhe doktoresha Marina Bertolotti, një psikologe e cila, që pasi fëmija u zgjua nga koma e induktuar, po vijon punën me ekipin e saj për të shmangur traumat tek fëmija pas zgjimit.
Mjekët do të vijojnë të ndjekin situatën shëndetësore të pesëvjeçarit ndërsa familjarët do të vendosin më pas se çfarë t’i tregojnë. /abcnews.al/
