Një person me koronavirus ka ndërruar jetë në 24 orët e fundit. Lajmin e konfirmon Ministria e Shëndetësisë në përditësimin ditor. Njoftohet se nga jeta është ndarë një 68-vjeçar nga Puka, i cili thuhet se vuante edhe nga spok-u dhe ishte ne gjendje te rendë, i intubuar prej disa ditësh.
Kështu, numri i personave që e kanë humbur betejën me Covid-19 në vendin tonë rritet në 37. Në total, humbje jetësh ka pasur: Qarku Tiranë 21, Durrës 7, Fier 4, Vlorë 1, Shkodër 3, Kukës 1.
Ndërsa, aktualisht në spitalin Infektiv po marrin shërbim 50 pacientë, 8 prej tyre janë në terapi intensive, ndërsa 2 janë të intubuar.
Lexo edhe: Shqipëria shifra rekord, rriten rastet aktive, zgjerohet harta e infeksionit
Kujtojmë këtu se në 24 orët e fundit është arritur një tjetër rekord sa i përket rasteve të reja me koronavirus. Nga 364 testime për të dyshuar të prekur me Covid19, janë konfirmuar 82 raste pozitive.
Shpërndarja gjeografike e të prekurve në 24 orët e fundit është si vijon: 28 të prekur në Tiranë, 18 në Shkodër, 10 në Krujë, 8 në Durrës, 7 në Vlorë, 3 në Kamëz, nga 2 raste në Kukës, Elbasan, Fier dhe nga 1 I prekur në Korçë dhe Pukë.
Shpërndarja gjeografike e rasteve aktive:
Tiranë 271
Shkodër 86
Krujë 72
Durrës 33
Kamëz 30
Vlorë 28
Lushnje 12
Pukë 11
Elbasan 8
Fier 6
Lezhë 3
Kukës 2
Tropojë 2
Mallakastër 2
Korçë 2
Berat 1
Ura Vajgurore 1
Gjirokastër 1 /abcnews.al/
