“Pacientët e operuar nga kirurgët femra kanë më pak gjasa të përjetojnë komplikime dhe kanë nevojë për kujdes të mëtejshëm sesa kur meshkujt operojnë bisturinë”, thotë hulumtimi i ri, i bazuar në dy studime të mëdha që sugjerojnë se kirurgët meshkuj duhet të jenë më të detajuar , të shpenzojnë më shumë kohë në detaje dhe të jenë të kujdesshëm.
Mjekët në Kanada dhe Suedi shqyrtuan më shumë se 1 milion të dhëna pacientësh nga dy regjistra të veçantë mjekësorë dhe zbuluan se pacientët që kishin vizituar kirurgë femra kishin rezultate dukshëm më të mira me më pak probleme në muajt pas operacionit.
Studiuesit po hetojnë arsyet e mundshme për këto dallime, por të dhënat më së shumti tregojnë se kirurgët femra priren të operojnë më ngadalë dhe mund të arrijnë rezultate më të mira duke i kushtuar kohë detajeve dhe saktësisë.
Dr. Christopher Wallis, i cili drejtoi një nga studimet në Spitalin Mount Sinai në Toronto, tha se gjetjet duhet t’i nxisin kirurgët meshkuj të rimendojnë qasjen e tyre ndaj kirurgjisë dhe të mësojnë nga koleget femra për të mirën e pacientëve të tyre. “Si një kirurg mashkull , mendoj se këto të dhëna duhet të më bëjnë mua dhe kolegët e mi të ndalemi dhe të mendojmë se pse kjo mund të ndodhë,” u shpreh ai.
Ekipi i Wallis shqyrtoi komplikimet mjekësore, ripranimin në spital dhe normat e vdekjeve pas operacionit në gati 1.2 milionë pacientë në Ontario midis 2007 dhe 2019. Të dhënat përfshinin 25 operacione të ndryshme në zemër, tru, kocka, organe dhe enët e gjakut.
Shkalla e suksesit të një operacioni nga gratë dhe nga burrat
Pacientët e vizituar nga kirurgët femra dolën më mirë një vit pas operacionit, me 20.7% që patën një ngjarje të pafavorshme postoperative, krahasuar me 25% të atyre që u panë nga kirurgët meshkuj.Kur mjekët shikonin thjesht vdekjet pas sallës së operacionit, ndryshimi ishte edhe më i theksuar: pacientët të trajtuar nga kirurgët meshkuj kishin 25% më shumë gjasa të vdisnin një vit pas operacionit sesa ato të trajtuara nga kirurgët femra./abcnews.al
