Prodhuesit e rinj me gjurmë ekologjike po shfaqen në treg. Së fundmi ka qenë kompania franceze Hopium, që ka zbuluar modelin Māchina. Gjatë prezantimit të këtij modeli, themeluesi i kompanisë Olivier Lombard e përshkroi atë si një “përparim të vërtetë teknologjik”.
Māchina do të ofrojë deri në 1.000 km autonomi nga një rezervuar i vetëm hidrogjeni, me një karburant të plotë që merr më pak se tre minuta duke përdorur një pompë hidrogjeni, ku ekziston teknologjia dhe infrastruktura e karburantit. Sipas kompanisë, Māchina do të jetë neutrale ndaj karbonit dhe do të kombinojë “performancën, lidhjen, sigurinë dhe ergonominë”.
Hopium shtoi se modeli do të ketë “stil unik dhe një dizajn të brendshëm sportiv”. Sipas informacioneve fillestare, modeli do të prodhojë më shumë se 373 kw me energji nga një bllok elektrik, i mundësuar nga një qelizë karburanti. Māchina pritet të vijë me një çmim prej rreth 120.000 eurosh. xh.d/abcnews.al
