Hollandë, 4 fëmijë humbën jetën pasi treni përplasi biçikletën që i transportonte

Një ngjarje e rëndë është regjistruar në Hollandë. Përplasja me trenin u mori jetën 4 fëmijë në qytetin OSS dhe la të plagosur një fëmijë të pestë si dhe një të rritur. Të dy janë në gjendje të rëndë. Ngjarja tragjike ndodhi mëngjesim e sotëm në një qytet në afërsi të kufirit me Gjermaninë. Viktimat po udhëtonin në një biçikletë me kosh, shumë të përdorura në Hollandë. Aksidenti ka ndodhur në një kryqëzim të survejuar dhe shkaqet e përplasjes nuk janë akoma të njohura. Autoritetet kanë hapur një hetim për këtë. Treni ishte nisur nga qyteti Nijmegen. /abcnews.al