Goleada, vetëm një barazim dhe shumë emocione në duelet kualifikueset të “Katar 2022”. Belgjika është treguar e pamëshirshme me Bjellorusinë, duke i shënuar tetë gola dhe kështu kryesojnë grupin e tyre me shtatë pikë në tre ndeshje. Çekia e vendit te dytë luante në transfertë dhe e ka pësuar nga Uellsi, që iu fal një goli të shënuar nga Daniel James i Manchester United.
Portugalia është rikthyer te fitorja, madje me përmbysje kundër Luksembugut. Rodrigues i ndëshkoi pas 30 minutash lojë, kurse më pas Jota baraspeshoi shifrat dhe Ronaldo kaloi luzitanët në epërsi. Palhinha realizoi edhe golin e tretë. Më herët Serbia kishte mundur Azerbajxhanin me dy gola të Mitrovic.
Krocia ka marrë vendin e parë në grupin H, me pikë të barabarta me Rusinë. Kroatët likuiduan Maltën në pjesën e dytë me rezultatin 3-0 dhe mes shënuesve e kishin emrin Perisic dhe Modrid, ky i fundit me penallti. Rusia u thye jashtë nga Sllovakia.
Grupi G dhuroi emocione të forta, pasi Turqia barazoi në shtëpi 3-3, edhe pse ishte tre herë në epërsi. Gjithsesi skuadra e Gunes kryeson me 7 pikë, duke lënë pas tre ekipe me nga një pikë më pak. Holanda shpërtheu ndaj Gjibraltarit, duke shënuar shtatë gola, kurse Norvegjia u mjaftua me Sorloth kundër Malit të Zi. /abcnews.al
KUALIFIKUESET E “KATAR 2022”, ZONA EUROPIANE
E martë, më 30 mars, ora 18:00
Azerbajxhan-Serbi 1-2
Shënues: Makmhudov (pen.) 59’ / Mitrovic 16’, 81’
Qipro-Slloveni 1-0
Shënues: Pittas 42’
E martë, më 30 mars, ora 20:45
GRUPI E
Belgjikë-Bjellorusi 8-0
Shënues: Batshuayi 14’, Vanaken 18’, 89’ Trossard 38’, 76’, Doku 42’, Praet 49’, Benteke 70’
Uells-Çeki 1-0
Shënues: James 82’
GRUPI H
Kroaci-Maltë 3-0
Shënues: Perisic 62’, Modric (pen.) 76’, Brekalo 90’
Sllovaki-Rusi 2-1
Shënues: Skriniar 38’, Mak 74’ / Fernandes 71’
GRUPI G
Gjibraltar-Holandë 0-7
Shënues: Berghuis 42’, De Jong 55’, Depay 61’ 88’, Ëijndalum 62’, Malen 64’, Van De Beek 85’,
Mal i Zi-Norvegji 0-1
Shënues: Sorloth 35’
Turqi-Letoni 3-3
Shënues: Karaman 2’, Calhanoglu 33’, Yilmaz (pen.) 52’ / Savalnieks 35’, Uldrikis 58’, Ikaunieks 79’
Luksemburg-Portugali 1-3
Shënues: Rodrigues 30’ / Jota 45+2’, Ronaldo 51’, Palhinha 80’
