Gjatë të mërkurës mbrëma janë zhvilluar ndeshjet e 1/16 në Carabao Cup dhe menjëherë pas përfundimit të tyre janë mësuar çiftet për fazën e 1/8.
Carabao Cup është rikthyer të mërkurën për ndeshjet e fazës së 1/16 për sezonin e tij të 64-të me klubet që luftojnë për trofeun e sezonit 2023-2024.
Manchester United është kampioni në fuqi, me “Djajtë e Kuq” të cilët mposhtën në finale Newcastle sezonin e kaluar. Përveç trofeut, fituesi i këtij kompeticioni kualifikohet edhe në Europë, ndaj ka një përplasje të madhe.
Megjithatë, shumë ekipe të mëdha janë eliminuar dhe tashmë në këtë fazë kanë mbetur vetëm disa dhe shorti ka bërë që të mësohet çiftet e fazës së radhës. Në fazën e 1/8 do të kemi dy ndeshje shumë të bukura, ajo mes Manchester United-Newcastle dhe West Ham-Arsenal. Nga ana tjetër, Liverpool do të përballet me Bournemouth, ndërsa Chelsea me Blackburn. Sfidat do të luhen më 30 tetor./h.ll/abcnews.al
