Janë rikthyer frikshëm shpërthimet me eksploziv në Fushë Krujë. Një sasi tritoli është vënë në shtëpinë e shtetasit Agron Voga në fshatin Halil të Krujës. Ngjarja ka ndodhur në mesnatë dhe nga shpërthimi për fat të mirë nuk ka të lënduar. Është dëmtuar vetëm makina e Vogës, i cili mësohet se është polic rrugor në Tiranë. Ai është në këtë detyrë prej 13 vitesh. Dyshohet se ngjarja të lidhet me detyrën e Agron Vogës por po hetohen edhe pista të tjera. Policia vijon hetimet për identifikimin dhe kapjen e autorëve./abcnews.al
