Hey Siri: A e dini se cila është gruaja pas zërit të famshëm?

Ju e njihni zërin e saj, por ndoshta jo emrin e saj. Siri është gjithmonë aty për ju dhe nëse po pyesni se cila grua qëndron pas tij, është koha t’ju themi se bëhet fjalë për Susan Bennett. Ajo është një aktore profesioniste që përdor zërin e saj për regjistrime të ndryshme dhe një prej tyre, në karrierën e saj, ka qenë asistentja dixhitale e Apple.

Vetë ajo ka folur për eksperiencën e saj si Siri, por edhe në përgjithësi për karrierën e saj të gjatë bazuar në zërin e saj. Siç thotë ajo, gjithçka nisi rastësisht kur ajo merrej me këngë dhe iu kërkua, për shkak të një problemi në një talent show, të lexonte disa rreshta. Që atëherë ajo filloi këtë karrierë, pasi mori mësime drejtshkrimi, deri në bashkëpunimin e saj të madh me Apple që e themeloi atë si Siri.

Regjistrimi është bërë në studiot e kompanisë GM Voices në vitin 2005. GM Voices është kompania që merr përsipër regjistrimet për përdorimin e zërit. Regjistrimi në fjalë është bërë për llogari të kompanisë ScanSoft, e cila më vonë ndryshoi emrin dhe nuk është tjetër veçse e njohura Nuance. Scansoft atëherë kishte marrë përsipër “projektin sekret” dhe as kompania, as Apple dhe as GM Voices nuk konfirmuan se Siri ishte zëri i Susan Bennett.

Zëri i saj u prezantua në botë në tetor 2011. As atëherë ajo nuk e kishte idenë se ishte ajo, derisa miqtë e saj i thanë dhe ajo dëgjoi zërin e saj në celular për të konfirmuar se ishte i saj. Ajo pohoi në një deklaratë: “Nuk e dija nëse doja publicitetin rreth kësaj çështjeje. Por një video në TheVerge u shfaq në të cilën disa njerëz pretendonin se kishin gjetur Siri”.

Siç ka thënë ajo, ndërsa iPhone evoluon, zëri i Sirit ndryshon, gjë që përdoruesit mund të mos e kuptojnë, por ajo mund ta dallojë. Por përveç Sirit, Susan ia ka huazuar zërin e saj bankave, linjave ajrore, McDonald’s dhe madje edhe Nissan.

View this post on Instagram

A post shared by Susan Bennett (@siriouslysusan)

Edhe pse Apple as nuk e ka konfirmuar dhe as mohuar se Susan Bennett është zëri pas Siri, CNN ka përdorur ekspertë të cilët 100% konfirmojnë se Susan Bennett është Siri./abcnews.al