Një 36-vjeçare shqiptare është arrestuar nga policia italiane në Romë, pasi iu gjet në banesë rreth 7 kilogramë heroinë. Agjentët e policisë dyshuan për lëvizjet e çuditshme të saj rreth apartamentit dhe vendosën ta monitorojnë.
Policia vendosi të ndërhyjë menatën e së martës, pasi panë që 36-vjeçarja po dilte nga shtëpia. Sapo u rikthye në banesë ata i kërkuan dokumentet. Më pas agjentët e policisë i kërkuan gruas të tregonte se çfarë kishte në çantë dhe ajo, nuk diti të shpjegojë se pse kishte 175 euro dhe tre aparate telefoni celularë.
Ndërsa në banesë i është gjetur heroinë e paketuar për një total prej pothuajse 7 kilogramësh./ABC News Albania
