Ka më shumë se 45.000 lloje merimangash në botë, por vetëm një numër i vogël konsiderohen të rrezikshëm.
Vdekjet e lidhura me merimangat janë mjaft të rralla me ndihmën e antihelmit.
Disa nga merimangat më vdekjeprurëse në botë
Merimanga endacake braziliane
Merimanga endacake braziliane njihet për prirjen e saj për të hipur në ngarkesa të ndryshme. Helmi i tyre thuhet se është jashtëzakonisht i dhimbshëm.
Ai sulmon sistemin nervor duke çuar në djersitje dhe dridhje.
Por djemtë kanë edhe më shumë arsye për t’u kujdesur për këtë merimangë rrëqethëse, pasi mund të shkaktojë ereksione shumë të gjata.
Ekspertët thonë se mund të zgjasë për shumë orë dhe madje të rezultojë në impotencë.
Merimanga e kuqe
Kafshimet nga merimangat femra mund të jenë të rrezikshme , madje edhe fatale.
Në Australi, ku ata dihet se jetojnë, më shumë se 250 persona marrin antihelm çdo vit.
Kafshimi çon në dhimbje të forta, djersitje të bollshme, dobësi të muskujve, të përziera dhe të vjella.
Merimangat me gyp
Merimanga me gyp është një nga rastet e pakta ku kafshimet e meshkujve janë më toksike se femrat.
Helmi i tyre vepron tmerrësisht shpejt.
Është në gjendje të shkaktojë vdekjen në vetëm 15 minuta.
Për fat të mirë, nuk ka pasur asnjë vdekje të raportuar që nga fillimi i viteve 1890 për shkak të antihelmit.
Merimanga rëre me gjashtë sy
Merimanga e rërës me gjashtë sy e ka marrë emrin nga dashuria e saj për t’u fshehur në rërë.
Nuk ka pasur ndonjë pickim të konfirmuar, por dy të dyshuara nuk përfunduan mirë.
Një viktimë raportohet se ka humbur një krah si pasojë e nekrozës.
Tjetri me sa duket vdiq për shkak të hemorragjisë së madhe.
Merimanga vejusha e zezë
Vejusha e zezë është një nga merimangat më famëkeqe përreth.
Si meshkujt ashtu edhe femrat janë helmues, por vetëm femrat mund të vrasin njerëzit me kafshimin e tyre.
Kafshimet e tyre janë aq vdekjeprurëse, sa thuhet se janë 15 herë më të fuqishme se një gjarpër zile, sipas Live Science./Abcnews.al/
