Në mbledhjen e përbashkët të dy qeverive, ministri i Transporteve të Kosovës, Liburn Aliu foli për rëndësinë e linjës hekurudhore Prishtinë-Durrës.
Gjatë fjalës së tij, ministri nënvizoi zhvillimin që synon të sjellë ky projekt për dy vendet tona, duke e cilësuar atë edhe si ëndërr të shqiptarëve.
“Kjo linjë do të plotësojë një ëndërr të shqiptarëve. Do të lidhë portin e Durrësit që synon të zhvillohet me Prishtinë dhe përmes kësaj linje ky port do të ketë komunikimin e drejtpërdrejtë në korridorin 10.
Edhe porti i Tivarit do të ketë mundësi shumë më të mira komunizmi me korridoret evropiane përmes kësaj linje hekurudhore. Aspekti teknik nga hulumtimet që kemi arritur të gjejmë i bie që edhe aspekti teknik është i favorshëm me linja të tjera.
Po ashtu duhet ti shtohen edhe elementë që ekzistojnë planet e korridorit blu. I gjithë ky qarkullim mund të behet përmes Shqipërisë, Kosovës dhe me vendet e tjera,” u shpreh Aliu.
Ministri tha se ky projekt nënshkruhet në Elbasan, që për të ka një tjetër rëndësi të veçantë, pasi ka qenë nxënës i shkollës “Dhaskal Todri”, ku edhe ka pasur shoqe klase ministren Evis Kushi.
“Për mua është edhe një kënaqësi tjetër, po e nënshkruajmë këtë marrëveshje në Elbasan, ku u kam qenë nxënës në shkollën Dhaskal Todri dhe kam pasur shoqe klase ministren Evis Kushi”, u shpreh ai. g.v/abcnews.al
