Napoli pret AZ Alkamaar sonte në “San Paolo” (18:55), sfida e parë sezonale në Europa League. Ekipi holandez është prekur nga pandemia e koronavirusit dhe të shumta janë lojtarët që kanë rezultuar pozitivë.
Situata në kampin tulipan shqetëson Gennaro Gattuson, i cili ka paralajmëruar lojtarët e tij, fjalë që sillen nga Il Mattino. “Mos dilni jashtë kot për darkë. Nëse e bëni, mbani distancë me tavolinat afër jush.
Harrojini tifozët, nuk duhet t’i përqafoni ata që takoni rrugëve“, kanë qenë këshillat që ka dhënë trajneri italian. U tha, u bë! Urdhrat e Gattusos duhet zbatuar me çdo kusht, kjo për të mirën e Napolit në këtë moment të vështirë. /abcnews.al
