Në konferencën për shtyp menjëherë pas përfundimit të mbledhjes së këshillit të sigurisë kombëtare, kryeministri i Kosovës deklaroi se do të ketë një hetim të menjëhershëm dhe gjithpërfshirës për arrestimin dhe deportimin në Turqi të gjashtë shtetasve turq
Kreu i ekzekutivit kosovar, Ramush Haradinaj, paralajmëroi hetime e inspektime për gjithçka që ka ndodhur me dëbimin e gjashtë shtetasve turq në Turqi. Ai tha se ka kërkuar hetime të gjithanshme për rastin e depërtimit të fshehtë të turqve. Këto komente Haradinaj I bëri në konferencën për shtyp pas mbledhjes së Këshillit të Sigurisë Kombëtare.
Ramush Haradinaj, Kryeminister i Kosovës: “Kemi vendos me kërku hetim në të gjithë mekanizmat e përfshirë, në disa raste është hetim e në disa inspektime, pra në bazë të përgjegjësive të mija. I kam informu Këshillin e Sigurisë që të bëhet një hetim dhe një raportim me shkrim për zhvillimin e ndalimit, revokimit, dhe depërtimin e shpejtë dhe të fshehtë të shtetasve turq”.
Ai shtoi se situata në vend është e qetë dhe nën kontroll.
Ramush Haradinaj, Kryeministwr i Kosovës: Konstatojmë se gjendja e sigurisë në Kosovës është stabile është e qetë, qytetarët mund të ndihen të qetë”
Kryeministri tha se u kishte bërë të qartë të pranishmëvenë mbledhje se nuk do të ndodhë më asnjëherë që të merren vendime të tilla për arrestime apo deportime pa u informuar më parë kreu i qeverisë, dhe se për një gjë të tillë u ra dakord nga të gjithë./abcnews.al
