Ky kopsht I ri do të presë rreth 120 fëmijë të njësisë numër tetë në Tiranë. Sipas kryetarit të bashkisë Erion Veliaj ky eshtë kopshti I 50- të që hapet në kryeqytet. Ndërkohë institucione të tjera arsimore I janë shtuar Tiranës.
“Ky është kopshti i 50-të! Kemi hapur edhe 49 çerdhe. Pra, në total, 99 institucione arsimore, si qendra edukimi dhe zhvillimi për fëmijët.
Por, kemi edhe 200 shkolla, mes të cilave janë 40 shkolla të reja, të cilat u hapën vitin e kaluar, ndërsa këtë vit shkollor hapim edhe 9 shkolla të tjera të reja.
Sot nuk ka më vend as për debat sepse nuk debatojmë kush bëri 99 shkolla, kush bëri 100 të tilla. Sot bilanci është: 99 kopshte e çerdhe me 0; 40 shkolla të reja me 0. Ndaj, duhet të shohim përpara. Nuk mund të matemi me ata që vetëm shajnë e përçajnë, e sot janë non grata”
Kryetari I bashkisë tha se në funksion të fëmijëve dhe të rinjve në Tiranë do të jetë dhe Piramida e cila do të hapet në tetor si qendra më e madhe e teknologjisë.
