Racizmi është një nga temat më të ndjeshme në sport. Ish-bosi i Formula 1, Bernie Ecclestone befasoi me deklaratën e djeshme, në të cilën u shpreh se njerëzit më ngjyrë janë më racistë se të tjerët.
“Në shumë raste, njerëzit me ngjyrë janë më racistë se njerëzit e bardhë. Hamilton? Nuk mendoj se racizmi ka ndikuar tek ai. Jam i surprizuar që racizmi e shqetëson atë“, deklaroi 89-vjeçari për CNN.
Replika e 6 herë kampionit të botës nuk ka vonuar dhe ka qenë e ashpër. Britaniku i Mercedes, i ka cilësuar si të pasjellshme fjalët e Ecclestone në një postim të bërë në rrjetet sociale. “Bernie nuk është më pjesë e Formula 1, ai i përket një gjenerate tjetër.
LEXO EDHE: “Njerëzit me ngjyrë janë më racistë!” deklaratë shokuese e ish-bosit të Formula 1
Komentet e tij mund t’i bëjë vetëm një person injorant dhe i paedukuar. Tani e kuptoj pse nuk është folur kurrë dhe nuk është bërë asgjë për të sjellë larmishmëri në sportin tonë ose për të luftuar thirrjet raciste, të cilave iu jam nënshtruar gjatë gjithë karrierës time.
Nëse dikush që ka drejtuar sportin për dekada të tëra ka një botëkuptim kaq të dobët rreth problemeve me të cilat përballen njerëzit e zinj çdo ditë, si mund të presësh që njerëzit që punojnë për të ta kuptojnë. Shembulli duhet të vijë nga lart“, deklaron Hamilton. /abcnews.al
