Hamasi nënvizoi në një dokument të publikuar këtë të diel se sulmi i 7 tetorit kundër Izraelit ishte një “hap i domosdoshëm” dhe një “përgjigje normale” ndaj “të gjitha komploteve izraelite kundër popullit palestinez”.
“Ishte një veprim mbrojtës për të hequr qafe pushtimin izraelit, për të rimarrë të drejtat e palestinezëve dhe në rrugën drejt çlirimit dhe pavarësisë,” tha Hamasi.
Ai shtoi gjithashtu se në “kaosin” e shkaktuar rreth kufirit Izrael-Rripin e Gazës, “mund të jenë bërë gabime”, duke mohuar megjithatë se ka shënjestruar civilët, përveç nëse kjo ka ndodhur “rastësisht dhe gjatë përleshjeve me forcat okupuese” dhe kjo pavarësisht nga 1,140 njerëz të vrarë gjatë këtij sulmi të paprecedentë, shumica prej tyre civilë, sipas një numërimi të AFP- së bazuar në shifrat zyrtare izraelite, veçanërisht më shumë se 360 njerëz në festivalin e Reim.
Në të njëjtën kohë, Hamasi pretendoi këtë të diel t’i japë fund “agresionit izraelit” në Gaza dhe nënvizoi se vetëm populli palestinez duhet të vendosë për të ardhmen e rajonit.
“Ne refuzojmë kategorikisht çdo plan ndërkombëtar ose izraelit që synon të vendosë për të ardhmen e Rripit të Gazës”, tha organizata palestineze në një dokument që shpjegon sulmin që kreu më 7 tetor në tokën izraelite dhe bën thirrje për “fundin e menjëhershëm të agresionit izraelit“./abcnews.al
