Një grua 24-vjeçare ka akuzuar yllin maroken të PSG-së, Hakimi, se e ka përdhunuar atë në shtëpinë e tij në një periferi të Parisit më 25 shkurt. Prokurorët francezë hapën një hetim paraprak mbi akuzën të hënën dhe avokati i tij thotë se akuza është e rremë.
Sipas “Le Parisien”, gruaja raportoi incidentin në një stacion policie të dielën, por nuk ngriti akuza. Avokati i ylli të PSG-së, Fenny Collin tha: “Akuzat janë të rreme. Ai është i qetë dhe i vihet në dispozicion autoriteteve.”
Zyra e prokurorit që trajton rastin në Nanterre, një periferi perëndimore e Parisit, nuk pranoi të komentojë. Megjithatë, ai u ankua se informacionet që tashmë janë bërë publike në media, minojnë hetimet e nevojshme për të zbuluar të vërtetën.
Publikimi që detajon akuzat pretendon se marokeni ishte informuar për fillimin e hetimit vetëm 90 minuta përpara ceremonisë së çmimeve të FIFA-s në Paris të hënën mbrëma./ h.ll/abcnews.al
