Ish-Presidenti Ilir Meta i ftuar në emisionin “Opinion” ka treguar arsyet se përse protestat nuk u thërritën në shtator dhe çdo të ndodhë në manifestimin e thërritur më 12 nëntor.
Meta ka nënvizuar se në shtator u stopuan protestat për shkak të sulmeve të hakerave iranianë, ndërsa për protestën e 12 nëntorit shtoi se janë në proces organizimi.
“Jemi në një proces të organizimit të protestës. Do të kemi komunikime të tjera. Nuk u bë në shtator për shkak të hackerimeve etj etj. Opozita është përkrahja më e fortë e integrimit në BE. Rama është penguesi i kësaj. Shqiptarët duhet t’i besojnë platformës sonë që është në interesin e tyre. Reforma jonë është referendum, që do të thotë ata vendosin vetë. Do të jenë pjesë e një politikëbërje reale”, tha Meta.
Pyetjes se përse nuk po afrohen figura të reja politike në opozitë, Meta iu përgjigj:
“Primaret po sjellin figura të reja”.
