Një sinjal që gjyqi në CAS mund të humbet është lëvizja e fundit te Partizani. Esin Hakaj, mbrojtësi shkodran që para pak ditësh njoftoi largimin nga të kuqtë, ka bërë prapaktheu. Kontratë e re, apo respektim i marrëveshjes së parë, nuk është se ka informacion.
Ajo që është e sigurt ka të bëjë me qëndrimin e mbrojtësit të majtë te Partizanin edhe për një sezon. Dje shkodrani ishte pjesë e skuadrës kryeqytetase në miqësoren kundër Korabit, ndërkohë që kjo përballje u ndjek edhe nga Jasir Asani.
KUKËSI – Verilindorët kanë afruar këtë vetë Kenan Horic për qendrën e mbrojtjes, por duan edhe një tjetër lojtar për prapavijën. Në media është raportuar se po tentohej afrimi i mbrojtësit Alban Pnishi, i cili ka luajtur edhe me përfaqësuesen e Kosovës.
Pnishi ka vendosur për të ardhmen dhe mbrëmjen e djeshme ka nënshkruar dhe është zyrtarizuar si goditja e Feronikelit. Mbrojtësi më herët ka luajtur në Zvicër me Wohlen dhe Grasshopper, kurse dy sezonet e fundit është aktivizuar në Izrael me Bnei Sakhnin dhe Bnei Yehuda. /abcnews.al
