Gushti për Portin e Vlorës llogaritet të jetë muaji me numrin më të lartë të udhëtarëve.
Mbi 90 mijë persona kanë hyrë dhe kanë dalë përgjatë kësaj kohe duke e kthyer gushtin në muajin me fluksin më të madh në 30 vitet e fundit.
Ndër turistët që kanë vizituar Vlorën dominojnë italianët, por në qytetin bregdetar nuk kanë munguar as pushuesit nga Franca e Spanja.
Fluksi tashmë është në rënie, por në ditët e ngarkuara është punuar me të gjitha kapacitetet.
Përveç gushtit edhe korriku në portin e Vlorës ka pasur numër të konsiderueshëm pasagjerësh. Përgjatë këtij muaji llogaritet të kenë hyrë dhe dalë mbi 30 mijë udhëtarë./abcnews.al
