Librin “Gurët e vetmisë” nga autori Tom Kuka (Enkel Demi) tashmë mund ta gjeni të botuar edhe në gjuhën gjermane.
Lajmi është bërë i ditur nga vetë gazetari Enkel Demi përmes një postimi në Facebook.
“Sapo mora lajmin e që “Gurët e vetmisë” është botuar në gjuhën gjermane falë bashkëpunimit të shtëpisë botuese “Schenk Verlag” dhe shtëpisë botuese “Pegi” (Botime Pegi).
I jam shumë mirënjohës botuesve të mi në Shqipëri dhe Gjermani, ndërsa dëshiroj të falenderoj nga zemra përkthyesen Zuzana Finger për punën e shkëlqyer, të jashtëzakonshme e ngulmuese që ka bërë me këtë libër”, shkruan gazetari.
“Gurët e vetmisë” është një roman për dashurinë, për luftën, për lirinë, familjen, shpirtrat e humbur e të mbetur në mesrruge. Një roman kryesisht për masakrën e Çamërisë, ku ngjarjet vendosen në një vend diku mes kufijsh, aty ku kanë pasur rrënjët e të parëve, nën hijen e së shkuarës./Abcnews.al/
