Guatemalë, shpërthimi i vullkanit Fuego shkakton tragjedi

69 të vdekur dhe shumë të plagosur, është ky bilanci akoma provizor i viktimave në shpërthimin e vullkanit “Fuego” në Guatemalë. Ndërsa numri i personave të detyruar të braktisin shtëpitë e tyre është 3100. Ndërkohë, është rihapur aeroporti në kryeqytet. Shpërthimi ka shpërndarë shtëllunga tymi dhe hiri në më shumë se 4 kilometra lartësi. Sipas asaj që raportohet nga mediat ndërkombëtare, hiri ka mbuluar banesat dhe rrugët e një zone në afërsi të vullkanit. Shpërthimi i së dielës ishte i dyti brenda 2018-ës. Vullkani Fuego është një nga më aktivët në Amerikën Latine. Në zonë jetojnë rreth 1.7 milionë banorë. /abcnews.al