Pep Guardiola ka dhënë një intervistë për Bobo TV së fundmi, emisionin e Bobo Vierit në rrjetet sociale. Guardiola ka prekur shumë çështje dhe nuk mund të mungonin as pyetjet për Lionel Messi. Gjeniu spanjoll e vlerëson lart argjentinasin dhe tregon prapaskenat për në stërvitje.
“Messi është më i miri, mentaliteti i tij është i pabesueshëm. Ai kurrë nuk ka humbur një ndeshje në stërvitje dhe nëse do ta humbte atë, do të linte seancën stërvitore. Ka vetëm katër ose pesë lojtarë në histori si ai. Leo mund të luajë kudo dhe mentaliteti i tij është i pabesueshëm.
Në fillim mendova se ai duhet të luante si një 9 fals sepse në krah do të kalonte 20 minuta pa prekur topin. Dhe lojtari më i mirë duhet të mbajë topin sa më shumë që të jetë e mundur. Para ndeshjes me Real Madrid, vendosa ta aktivizoja në atë pozicion.
Te Barcelona, ne kurrë nuk luajtëm më krosime drejt zonës, por te Bayern Munchen, unë kisha Ribery, Robben, Lewandowski dhe Muller, duhej të përdorja krosimet dhe do të bëj të njëjtën gjë kur të vij në Itali”, tha Guardiola. /abcnews.al
