Futbolli rikthehet edhe në Kategorinë e Parë. Nis faza e dytë dhe në grupin A Kastrioti ka krijuar një diferencë prej pesë pikësh me Korabin ndjekës. FSHF ka planifikuar ndeshjet e kësaj jave dhe të gjitha luhen të shtunën, prej orës 13:00.
Gjërat në tre vendet e para mund të ndryshojnë këtë javë, pasi krutanët luajnë në transfertë me Egnatian. Rrogozhinasit janë në një pikë që i kanë të nevojshme pikët dhe do bëjnë maksimumin t’i marrin ato të plota, në mënyrë që të ngjiten në katërshen e parë.
Ndeshja tjetër e rëndësishme zhvillohet në Peshkopi. Korabi i vendit të dytë pret Besëlidhjen ndjekëse, që shpreson që këët vit të luftojë për t’u ngjitur në Superiore. Erzeni është skuadra tjetër që do mundohet të përfitojë dhe të afrohet me kreun.
Shijakasit duhet të mundin Veleçikun dhe e kanë detyrim diçka të tillë. Kjo javë është e rëndësishme edhe për garën në fundin e tabelës. Dinamo do mundohet të marrë pikët e plota ndaj Tërbunit, sikurse edhe Burreli që pret Shkumbinin.
KATEGORIA E PARË – JAVA 10
GRUPI A
E shtunë, më 7 dhjetor, ora 13:00
Egnatia-Kastrioti
Korabi-Besëlidhja
Erzeni-Veleçiku
Dinamo-Tërbuni
Burreli-Shkumbini
/abcnews.al
