Fabio Grosso u prezantua mesditën e kësaj të hënë në krye të skuadrës së Sassuolos.
Duke folur para medieve për detyrën e re, trajneri italian theksoi se është gjithmonë ambicioz, ndërsa u shpreh se qëllimi kryesor është rikthimi i kësaj skuadre në Serie A.
“Unë jam gjithmonë ambicioz si person dhe më pëlqen të përmirësoj veten dhe njerëzit që punojnë me mua. Objektivi është të rindërtoj diçka që ky klub la pak kohë më parë dhe e meriton. Ne i dimë vështirësitë që na presin, në vend që të flasim për objektivat do të përpiqemi të bëjmë një formacion të mirë, një ekip solid për të qenë protagonistë në një kampionat të vështirë si ai i Serie B dhe të rikthehemi në elitë”, u shpreh Grosso./ h.ll/abcnews.al
