Eros Grezda dhe tifozët e Rangers nuk kanë një marrëdhënie aspak të mirë. Sulmuesi kuqezi u transferua me shumë bujë verën e kaluar tek ekipi skocez, por kaloi një sezon me shumë ulje-ngritje, duke bërë që tifozët të mos e mbështesin aspak. Madje, shumë prej tyre i kanë dalë dhe kundër sulmuesit të kombëtares shqiptare.
Mbrëmë, Rangers luajti titullar në takimin e Kupës përballë Ballymena. Klubi i Rangers zbuloi formacionin titullar para ndeshjes në rrjetet sociale, aty ku shumë tifozë kanë kritikuar zgjedhjen e trajnerit Gerrard, i cili pas plot 5 muajsh, i besoi Grezdës një fanellë titullari.
“Kush është ky Grezda?”, “Është për të ardhur keq nëse nuk shënon as sot!”, “Pse Gerrard i beson ende?!”. Këto ishin vetëm disa nga komentet e shkruara nga tifozët e Rangers në rrjetet sociale, kryesisht në Twitter./abcnews.al
