Zjarret që kanë marrë 20 jetë në Greqi janë ende jashtë kontrollit në ultësirat pranë Athinës dhe rajonin e Evros pranë kufirit me Turqinë.
18 nga viktimat mendohet se janë refugjatë dhe emigrantë që kaluan kufirin kohët e fundit, duke u fshehur në pyjet në veri të qytetit të Aleksandropolis.
Greqia ka shprehur dhimbjen e saj për vdekjet në pyllin Dadia pranë kufirit turk.
Prej 5 ditësh, zjarret kanë qenë aktivë pranë qytetit dhe përgjatë bregdetit. Zjarrfikësit po përpiqen gjithashtu të ndalojnë një zjarr që përhapet nga mali Parnitha, në veriperëndim të Athinës, por përpjekjet e tyre po pengohen nga erërat e forta që përhapin flakët.
Viktimat u gjetën të martën nga shërbimi zjarrfikës pranë një kasolleje jashtë fshatit Avantas, në veri të Alexandroupolis.
“Për fat të keq, qëndrimi i tyre në pyllin e Dadias rezultoi fatal”, tha zëdhënësi i qeverisë Pavlos Marinakis, duke theksuar se alarmi ishte ngritur në zonën ku u gjetën dhe mesazhet e evakuimit ishin dërguar në shërbimin e urgjencës celulare 112.
View this post on Instagram
