Zbardhen detaje të reja nga grabitja e ndodhur dy ditë më parë në një fabrikë të përpunimit të peshkut në Labinot-Fushë në Elbasan.
Burime për ABC News thonë se makina e autorëve ML e bardhë, është ndjekur nga policia për gati 5 km dhe ka humbur gjurmët sapo është futur në qytet.
Policia rrugore i ka bërë thirrje të ndalonin por ata kanë refuzuar të binden duke u larguar me shpejtësi.
Grabitja mësohet të ketë ndodhur rreth orës 02:30 të mëngjesit të së hënës, kur disa persona me maska u futën në fabrikë dhe morën nga kasaforta disa para, ndërsa të dytën nuk mundën ta hapnin ndaj e morën e vete.
Vlera e parave të grabitura i kalon 10 mln lekë të reja,ndërsa mbetet ende e paqartë se pse nuk ka funksionuar sistemi i alarmit./abcnews.al
